2010年8月4日 星期三

偽進剪翅令人賤 不如食碗車仔麵

會考順利一take過, 原校升中六, 謝天謝地.
.
六科19分, 全校文科最高分是我: 我當然不會自滿覺得自己好叻, 事關英文僅僅合格, 仲要好好追趕.
.
總算舒一口氣: 如果肥咗英文, 要我參加新的文憑考試, 就真係無眼睇: 哪是我不信任的制度, 包括通識教育, 都是問題多多, 我不願參予其中.
.
香港政府真是太多莫名其妙的改革, 會考及高考明明是成功且得到世界認同的考試制度, 卻偏要取締之, 彷彿為了中國人的面子, 英國人留下的好制度, 也要推倒重來.
.
阿香不是讀書材料, 肥咗三科, 以佢資質, 都無謂讀落去啦: 我勸佢幫阿爸間廠手, 第時接佢老豆棒, 應是最好的出路啦.
.
嗰啲什麼偽進剪翅副學士, 有鬼用咩, 我叫阿香唔使考慮, 政府只是設計出來解決失業問題, 讀完你只會成為一個廉價勞工.
.
我們必須承認, 有些人的確不是讀書材料, 要有另一些出路, 偏偏這個政府取締了大部份學徒制度BLOCK死晒啲出路, 真係戇居, 成日叫人創業, 十個仆街都無一個成功啦, 信佢一成都死. 如果阿香唔係有個開廠嘅老豆, 真係唔知點算.
.
攪掂晒註冊手續, 去銅鑼灣榮記食碗車仔麵, 就返去瞓覺: 暑假之後, 又是新開始.
.
.
.

2010年8月2日 星期一

對穿祥吐血之謎

恕我大鄉里, 由於電視台刪剪, 一直以來都不知道對穿祥何以憤而吐血, 原來:

廣州話真是妙絕! 焉能不撐!?

2010年8月1日 星期日

咖啡情侶

放榜又點啫, 都要過生活架.
.
錢我就無架嘞, 好在仲有紅顏知己. 阿香, 辛苦你嘞, 呢排我要接受你包養嘞.
.
得阿香的引領, 去到葵涌一間小咖啡店. 店名我不便說嘞, 人地小本經營, 費事我個人評論會影響人地聲譽 (雖然我呢個blog實際無咩人會睇).
.
.
呢對小情侶, 都幾有藝術氣質 (即係都幾型), 為了理想, 不惜工本, 學藝, 投資, 開了這間小店.
.
.
咖啡不是我所好, 只是陪人來. 聞落幾香, 咖啡和cream組織成的精緻圖案, 也頗令人心曠神怡; 芝士蛋榚也不錯, 但自問沒研究, 不知怎叫做好:
.
.
在高地價的香港, 他們只能逼在後巷經營這間小店: 也有年青人慕名而來, 但只是五, 六個人, 已有擠逼之感, 就算咖啡再美味, 沒有舒適環境配合, 縱有幾本扮嘢西文雜誌配合, 塑造不到歐式休閑的感覺.
.
.
總是覺得, 以個人的能力, 怎樣努力, 也很難敵得過大企業: 你花大量心思做出來的芝士餅, 始終不如美心西餅, 窮你心力沖出來的咖啡, 好不過starbucks.
.
如果為了理想, 把全部勞力, 時間, 金錢, 押進一間小店, 那真是太冒險了, 我實在想像不到, 以這間小店一人幾十蚊的消費, 他們可以得到多少的利潤? 到最後真係可能一無所得不特止, 仲欠得一屁股債架.
.
真要感恩, 眾多的勞動者, 豐富我們的生活, 而他們卻所得不多. 但我將來一定不會這樣做, 因為分分鐘終生積蓄會化為烏有. 香港這個地產霸權的社會是荒謬的, 地產商幾乎壟斷了大部份的利潤, 真正勞動的人, 做唔停手竟也未必保証未來生活: 太不公平了!
.
假使會考不幸失手, 我願意辛苦去做工, 而不會去在工作上追求什麼虛無的理想. Work hard, play hard. 我寧願將工作和理想分割: 工作主要是為錢 , 個人的理想, 放工去找吧.
.
大人世界的各位叔伯, 唔好成日話八九十後好食懶做剩係識hea: 設身處地想, 你做我地, 資源全被壟斷了, 你看到未來嗎?

2010年7月31日 星期六

求求你還我鼻子.....

傻傻的小朋友, 可愛到不得了.....睇完又睇, 一樣笑到標眼水....

2010年7月30日 星期五

真淫穢的天氣報告.....



簡體字, 太多問題了........

2010年7月28日 星期三

丟哪媽, 頂硬上!

我唔係撐廣州話: 只係去完旅行清晒倉, 公仔麵 + 飯盒嘅生活有排捱.....





阿爹你唔使日哦夜哦, 出得嚟行, 預咗要還, 係我自己要去旅行, 我自己會搞掂條數.

我知你賺錢辛苦, 我唔會做裙腳仔的, 你放心啦, 你個仔我有分數嘞.

2010年7月27日 星期二

電車男的課外書

老師叫我地睇多啲英雄故事架.......


2010年7月26日 星期一

陳勤記: 告別潮州巷之味

在上環陳勤記同老豆食飯, 就像再見一個久別的長輩(唔係我老豆, 我指陳勤記). 豈料長輩換了新裝, 一時間有些不慣.




已往的陳勤記以污污漕漕為人垢病, 樓梯永遠有一層滑滑的油蹟, 一不留神會PK, 老闆陳伯著住件背心身水身汗周圍走, 隔甩底毛飛下飛下, 阿姑見到踩踩聲. 但係你咪理, 一樣其門如市, 食客邊食邊閙, 但下次還是要來, 事關沙爹牛河夠大碟, 蠔餅真材實料, 鹵水鵝夠入味.

一別經年, 今次再來, 咦, 點會咁架?

以前污漕的餐牌沒有了, 換來乾淨的"MENU". 以前是大牌檔式點餸, 依家多了ABCD餐.

叫咗個A餐(二人餐): 蠔仔粥, 方魚炒芥蘭, 鹵水鵝片, 唔平架, $168

但係, 點解蠔仔粥細碗咗咁多? 鹵水鵝片竟唔入味, 刀功也有問題, 鵝肉切到好嚡, 方魚炒芥蘭無可評論, 只是面目模糊的一碟搭配的小菜.



兩個人食完: 唔夠飽. 失望哦.

外觀靚咗好多, 老闆陳伯無再 "露毛", 起碼著返件T恤, 但也無親自下廚, 只在樓面打點, 似慢慢交棒第二代.


但係唔知係咪掛住裝修, 好耐無開爐, 點解味道差咁遠.


想當年, 呢班潮州師傅, 走難嚟香港, 集中於皇后街一帶開大牌檔, 不怕辛苦, 發揮潮州人肯捱肯拚的精神, 漸漸打響 "潮州巷" 呢個朵.


歲月流逝, 昔日潮州巷嘅師傅都仔大女大, 大牌檔亦都拆晒搬入舖. 皇后大道中仍保留尚興, 兩興, 陳勤記三大字號, 各有性格, 尚興, 兩興較高檔, 陳勤記較草根.


時而世易, 兩興最近光榮結業, 如今陳勤記亦淹沒在商海裡, 頗令人唏噓.


我想起許冠文舊片 "雞同鴨講", 身為燒鴨店老闆的許冠文, 為了競爭, 將燒鴨店轉型, 模仿快餐店, 結果攪到不倫不類.



咁唔通哩哩啡啡, 不求進步先叫做好咩?............


也許問題其實出在我們自己身上, 我們習慣了以前的生活環境, 人脈事物, 並總結稱之為人-情-味. 這不是質素的問題, 是情感的問題.


潮州人可貴之處, 在於節儉肯捱, 生活純樸. 穿了新裝的陳勤記, 總覺與原本草根風格不合. 好像原本很熟悉的一個朋友, 性格完全改變了.

我老豆似乎愈來愈寂寞: 他定義下的香港不存在了: 李小龍沈殿霞羅文張國榮梅艷芳陳百強黃霑都不在, 精工寶路華張子岱胡國雄仇志強退出了, 維多利亞港變成維多利亞河, 潮州巷變成咩Q華庭偽豪宅, 郵筒轉了顏色, 警察變得愈來愈像實蕉, 龍門大酒樓雍雅山房全拆晒, 議員變成流氓, 打開電視成班演員無個識.

一個時代要結束了: 陳勤記再不是潮州巷的陳勤記........ 再見了, 貧民區的浪漫回憶!

唔使愁呀老豆, 仲有你個仔我呀.

2010年7月22日 星期四

橫山光輝: 這才叫做藝術家

老豆, 你唔好話我敗家, 半年來兼職賺到的錢, 我去一星期日本花光了. 這次我覺得我係啱的.


為的是, 去神戶看鉄人28及橫山光輝作品展, 好過睇什麼世博清明上河圖, 把些甩皮甩骨古畫整到會行會走活殭屍, 就以為自己好卵勁: 留返清明節拜山先睇啦!



哈哈, 日本仔真抵死, 搵普通人扮三國人物, 有種騎呢幽默感, 仿似說: 咩英雄人物, 咪又係人一個.....



相反吳宇森拍三國, 比班假道學係咁抽水, 又話呢度無根據嗰度拍得唔啱....挑! 學者喎!

你班大陸佬, 我唔係睇小你清明上河圖, 但你有無本事學日本仔再創作, 如果你地有胆整個現代版漫畫版攪笑版清明上河圖我話你好嘢, 事關你個國家咁多禁忌禁區, 仲創咩作啫!

係呀, 我祟日架, 你話我漢奸咪漢奸囉......
1956年, 橫山光輝創作鉄人28, 你班大陸佬做緊咩?
你地仲痴晒線攪咩革命大躍進全國乃緊毛澤東個屎眼叫毛主席萬歲呀哈哈哈哈....

橫山光輝, 三國志漫畫的作者, 鉄人28的作者, 2004年火災中過身, 真是亞洲藝術界的損失.

透過三國志漫畫, 血腥的戰爭大場面, 用漫畫表達出來, 暴力感降低了, 但反戰的訊息表達到, 小孩子接收到, 教育意義做到, 這不是藝術, 是什麼?



整個中國, 沒有一個漫畫家, 在三國志這題材上, 好過橫山光輝.
中史佬, MISS LAU, 如果你看到這網頁, 我可以同你講, 你地推祟哪些中國畫家, 好低級.
成日聽到某某中國畫家賣到幾多幾多百萬: 頂, 好腥臭呀!
你班中史佬中文佬讀死書, 推祟什麼什麼畫家齊白石張大千, 我心諗, 挑你班友只不過照本宣科人云亦云.
你講果個徐悲鴻, 人地歐洲玩緊抽象派超現實, 佢仲畫緊寫實畫, 根本OUT晒, 比班共產黨吹到天上有地下無...

嗰個張大千, 年紀大視力退化畫唔到畫, 比佢諗都個方法叫"潑墨". 幾種顏色墨水潑來潑去, 又話咩意境咩意境, 咁又比佢過到骨, 成班有錢佬爭住買張張大千吹噓一番認屎認屁, 其實不過是附庸風雅人人扮名流堆砌出來的假藝術.
MISS LAU你推祟個豐子愷, 去日本無所事事幾個月, 比佢周街打書釘睇到本日本三流畫家竹久夢二畫集, 學人地畫法又比佢出咗名: 竹久夢二響日本藝術史地位好低架昨, MISS LAU, 你有無上網SEARCH過架.
講多兩句, 就知你無料, 你所恃的, 只是教師的強權叫我收聲啫, 好囉, 你啱晒囉, 咩詩中有畫畫中有詩囉, 哈, 我諗你都唔知自己嗡緊咩, BULLSHIT!
邊啲係藝術家?
橫山光輝, 手塚治虫, 石森章太郎, 臼井儀人......
呢啲叫藝術家, 實實在在的, 人人看得到他們的好.
徐悲鴻, 齊白石, 張大千, 豐子愷呢?

SORRY, 這些, 只是畫家. 虛虛浮浮, 總有一大班人話佢先識欣賞你唔識欣賞, 你懷疑自己的鑑賞能力, 於是又跟大隊說好好好, 皇上件新衫真係靚呀.....

MISS LAU, 我讀得書少, 但你呃我唔到:
老實講, 你口口聲聲話我睇公仔書無益:

你識條春咩, 收檔啦你
向橫山光輝致敬!

2010年7月11日 星期日

蓮香居: 香港保留了嶺南文化

阿香約我去 蓮香居飲茶, 偷得浮生半日閒, 真是賞心樂事.


雖然因字號問題打過官司, 但蓮香居的風格頗忠於蓮香樓: 黃銅大水煲, 舊款式的木檯木椅, 雖不夠舒適但忠於傳統, 自己字號的碗碟茶盅, 上繪嶺南式蓮花圖案, 茶盅雖不易控制, 但就算燙到手指也不悔.

舊式的粉卷, 豬肚燒賣, 大包, 好不好吃各有所好, 但會吃出淚來: 呢個大包, 會吃出百年廣東人 "鬼叫你窮呀, 頂硬上囉" 哪種辛酸.



氣氛是一脈相承的吵吵閙閙, 保留 "搭檯"傳統, 上環此百年華人聚居地, 幾多水客生意佬, 文人唱家班, 托住籠雀, 在此一帶茶居閒話家常抄蝦擦蟹, 左一句丟你老尾, 右哼句南音牙呀呀呀, 這才是嶺南生活.



阿香話下次去廣州西關蓮香樓, 我話咪嘞, 廣州哪間, 只是一個古蹟, 現在變成冒牌貨. 以前去過廣州蓮香樓, 陳設粗糙, 毫無味道可言, 只是一間普通大陸酒樓, 原本的嶺南味早失去了, 搞成咁樣, 多得嗰班仆街共產黨幾十年來的統治, 大家心照.....

我重申, 真正的蓮香樓在香港, 廣州哪間, 只是冒牌貨.

2010年7月10日 星期六

飛來蜢

希望是好兆頭.....





2010年7月9日 星期五

笑爆咀的大陸食品公司

適合用作形容扮有品味食評人盧覓X




2010年7月8日 星期四

人生如賭博, 貪字得個貧

今日經過銀行, 見到銀行前面擺晒示威標語:



唉, 都係嗰句, 貪字得個貧, 偷雞唔到瞣揸米.

大人世界的你虞我詐, 唔好當我地細路仔唔識嘢, 我們都是在這缸濁水裡長大的.

你勤勤力力去做嘢, 死慳死抵去儲錢, 可能係最好的結果, 但眼見金錢貶值, 你又唔抵得, 一班損友自吹自擋賺咗幾多幾多, 使你躍躍欲試, 以為必賺: 原來世界真係無咁大隻夾乸隨街跳, 你只是投入了一場賭博, 或者只是一場騙局.

輸錢的反應, 通常是加注再追.........你畢生的努力, 就如此化為烏有, 到你明白的時候, 哪大鱷揚長而去, 而你已經一無所有: 想追回失去的金錢嗎? 你已英雄遲暮, 賺錢能力大大下降, 無力回天.

哈哈, 老實講, 我 BAND 5 仔睇盡人間呢啲悲喜劇, 年紀小小但自覺睇得幾通:

你班老而不教我做人道理? 你攪掂自己先啦!

我 BAND 5 仔會提醒自己, 千祈唔好發錢寒, 夠使咪算囉!

投資!? 都是一大班中外老正搵食的圈套而已!

2010年5月17日 星期一

晨早煲煙考會考, 睇下呢班臭老九

尋晚睇通宵波賭完兩手, 點知又係輸, 哎~

都就天光, 朝早又要去考會考, 索性唔瞓, 出去煲支煙, 就坐巴士去考會考, 點知去到間學校, 太早一個考生都無, 就影低個禮堂留念, 順便睇下學校百態.



睇嚟呢間學校都好極有限, 見班學生可以掛住個phone響頸大搖大擺, 就可以諗到呢度有幾惡劣.

幾個教師烏眉恰睡行過, 嘻嘻, 我真係有啲同情你地. 我知你地搵幾皮嘢一個月, 咁又點啫, 睇怕你地都每日比學生兜口兜面小老母喇, 自尊都無, 咪攞番幾皮嘢補身囉.

上次果條麥sir稱我入訓導室, 話我第時好可憐, 要過啲無前途嘅生活, 我心諗, 嘻嘻, 你以為你自己好好咩, 我小你老母, 最多記小過, 你忍唔住爆句粗, 分分鐘無得撈, 我地衰格啲, 作個古仔屈你, 你水洗都唔清.....第時我有幾可憐? 哈! 好難講, 但你依家就已經好可憐! 哈!

係呀, 香港係欺善怕惡架, 吹呀!

你估你個老頂教育局會照你咩? 你算老幾呀!


挑!