2010年7月8日 星期四

人生如賭博, 貪字得個貧

今日經過銀行, 見到銀行前面擺晒示威標語:



唉, 都係嗰句, 貪字得個貧, 偷雞唔到瞣揸米.

大人世界的你虞我詐, 唔好當我地細路仔唔識嘢, 我們都是在這缸濁水裡長大的.

你勤勤力力去做嘢, 死慳死抵去儲錢, 可能係最好的結果, 但眼見金錢貶值, 你又唔抵得, 一班損友自吹自擋賺咗幾多幾多, 使你躍躍欲試, 以為必賺: 原來世界真係無咁大隻夾乸隨街跳, 你只是投入了一場賭博, 或者只是一場騙局.

輸錢的反應, 通常是加注再追.........你畢生的努力, 就如此化為烏有, 到你明白的時候, 哪大鱷揚長而去, 而你已經一無所有: 想追回失去的金錢嗎? 你已英雄遲暮, 賺錢能力大大下降, 無力回天.

哈哈, 老實講, 我 BAND 5 仔睇盡人間呢啲悲喜劇, 年紀小小但自覺睇得幾通:

你班老而不教我做人道理? 你攪掂自己先啦!

我 BAND 5 仔會提醒自己, 千祈唔好發錢寒, 夠使咪算囉!

投資!? 都是一大班中外老正搵食的圈套而已!

3 則留言:

  1. 啱啱,啲大鱷為甚麼揼錢去墊高個市,俾你賺?同你有親牙?

    回覆刪除
  2. 願賭服輸,天公地道;但如果係俾人呃落水,咀就唔應該喇。

    回覆刪除
  3. laulong: 係囉, 所以我都要認命辛苦做工囉

    Ebenezer: 就算係輸錢, 死人都去嘈一餐啦, 分分鍾可以唔認數: 香港就係咁...

    回覆刪除