2010年8月1日 星期日

咖啡情侶

放榜又點啫, 都要過生活架.
.
錢我就無架嘞, 好在仲有紅顏知己. 阿香, 辛苦你嘞, 呢排我要接受你包養嘞.
.
得阿香的引領, 去到葵涌一間小咖啡店. 店名我不便說嘞, 人地小本經營, 費事我個人評論會影響人地聲譽 (雖然我呢個blog實際無咩人會睇).
.
.
呢對小情侶, 都幾有藝術氣質 (即係都幾型), 為了理想, 不惜工本, 學藝, 投資, 開了這間小店.
.
.
咖啡不是我所好, 只是陪人來. 聞落幾香, 咖啡和cream組織成的精緻圖案, 也頗令人心曠神怡; 芝士蛋榚也不錯, 但自問沒研究, 不知怎叫做好:
.
.
在高地價的香港, 他們只能逼在後巷經營這間小店: 也有年青人慕名而來, 但只是五, 六個人, 已有擠逼之感, 就算咖啡再美味, 沒有舒適環境配合, 縱有幾本扮嘢西文雜誌配合, 塑造不到歐式休閑的感覺.
.
.
總是覺得, 以個人的能力, 怎樣努力, 也很難敵得過大企業: 你花大量心思做出來的芝士餅, 始終不如美心西餅, 窮你心力沖出來的咖啡, 好不過starbucks.
.
如果為了理想, 把全部勞力, 時間, 金錢, 押進一間小店, 那真是太冒險了, 我實在想像不到, 以這間小店一人幾十蚊的消費, 他們可以得到多少的利潤? 到最後真係可能一無所得不特止, 仲欠得一屁股債架.
.
真要感恩, 眾多的勞動者, 豐富我們的生活, 而他們卻所得不多. 但我將來一定不會這樣做, 因為分分鐘終生積蓄會化為烏有. 香港這個地產霸權的社會是荒謬的, 地產商幾乎壟斷了大部份的利潤, 真正勞動的人, 做唔停手竟也未必保証未來生活: 太不公平了!
.
假使會考不幸失手, 我願意辛苦去做工, 而不會去在工作上追求什麼虛無的理想. Work hard, play hard. 我寧願將工作和理想分割: 工作主要是為錢 , 個人的理想, 放工去找吧.
.
大人世界的各位叔伯, 唔好成日話八九十後好食懶做剩係識hea: 設身處地想, 你做我地, 資源全被壟斷了, 你看到未來嗎?

4 則留言:

  1. Band 5 仔:

    香港是地產霸權社會,我是認同的,但打造這畸態的卻是香港政府。

    每個年代都有機會,我二三十歲時就常聽到香港已飽和,是一個沒機會的社會,但卻不斷仍有年青人創業成功。所以謀事在人,加一點運氣,成功機會仍是有的。

    至於那咖啡店,確難在大業團下突圍而出,但年青人付出幾年光陰,幾+萬資金,買個經驗,實踐吓理想,也是划得來的。香港年中不知有多少人輸幾十萬波輸幾十萬股喇,做生意,滿足吓自己仲值得!

    回覆刪除
  2. 多謝前輩指點迷津, 然而已今經濟情況, 可能一世唔使旨意買樓, 養妻活兒恐怕也甚為吃力: 君不見愈多愈多人出來工作無錢比屋企不特止, 重要父母資助照顧番轉頭!

    回覆刪除
  3. 猶太人係世界上最識搵錢嘅民族,我建議你最好睇睇佢地點解在上世紀基本上俾人踩死晒嘅環境下,都番到身,仲好多人現在好有米添。

    人窮加上志短,必死無疑!!

    回覆刪除
  4. 猶太人的確值得研究: 但猶太人有米的背後也負上刻薄、吝嗇的惡名, 二次大戰前猶太人在歐洲被普遍的厭惡: 他們成功之道, 未必容易學得到.

    回覆刪除