2010年8月4日 星期三

偽進剪翅令人賤 不如食碗車仔麵

會考順利一take過, 原校升中六, 謝天謝地.
.
六科19分, 全校文科最高分是我: 我當然不會自滿覺得自己好叻, 事關英文僅僅合格, 仲要好好追趕.
.
總算舒一口氣: 如果肥咗英文, 要我參加新的文憑考試, 就真係無眼睇: 哪是我不信任的制度, 包括通識教育, 都是問題多多, 我不願參予其中.
.
香港政府真是太多莫名其妙的改革, 會考及高考明明是成功且得到世界認同的考試制度, 卻偏要取締之, 彷彿為了中國人的面子, 英國人留下的好制度, 也要推倒重來.
.
阿香不是讀書材料, 肥咗三科, 以佢資質, 都無謂讀落去啦: 我勸佢幫阿爸間廠手, 第時接佢老豆棒, 應是最好的出路啦.
.
嗰啲什麼偽進剪翅副學士, 有鬼用咩, 我叫阿香唔使考慮, 政府只是設計出來解決失業問題, 讀完你只會成為一個廉價勞工.
.
我們必須承認, 有些人的確不是讀書材料, 要有另一些出路, 偏偏這個政府取締了大部份學徒制度BLOCK死晒啲出路, 真係戇居, 成日叫人創業, 十個仆街都無一個成功啦, 信佢一成都死. 如果阿香唔係有個開廠嘅老豆, 真係唔知點算.
.
攪掂晒註冊手續, 去銅鑼灣榮記食碗車仔麵, 就返去瞓覺: 暑假之後, 又是新開始.
.
.
.

6 則留言:

  1. Band 5 仔:

    努力從事,繼續為學之路。

    阿香讀唔到唔緊要,只要個人夠活夠上進,一樣會有成就,我以前啲同學大都冇進大學,但大把人揾錢多過我,社經地位高我一大截。

    教改?設計班官冇個 pro, 嘥氣喇。不仁者而在高位是播其惡於眾也,冇能者亦然!

    回覆刪除
  2. 恭喜晒!繼續努力,祝節節勝利!

    我倒唔認同你叫阿香咁早綴學,如果有機會讀書,都唔好放棄,因為唔係個個人都係咁早開hiu,將來佢後悔莫及,就更加悲哀。

    或者咁講,香港嘅教育制度培育唔到佢,但佢唔可以因為咁而放棄再繼續終身學習嘅動機。

    回覆刪除
  3. 香港嘅教育制度培育唔到佢,但佢唔可以因為咁而放棄再繼續終身學習嘅動機。 x2

    加油!

    回覆刪除
  4. laulong、Ebenezer、Coffee n Tea:

    各位長輩意見, band 5仔謙遜受教. 但呢啲偽進課程, 要花幾萬蚊花時間讀啲無謂嘢攞張廢cert., 僱主都唔會重視你, 真係無咩價值.

    不過只是我個人意見, 阿香自有她個人打算, 我不會用我個人意志主導她, 最明白自己要什麼的是她自己, 我只是在旁發下嗡風而已.

    回覆刪除